PAGKARATING sa opisina ay sinalubong si Xavier ng sekretarya niyang si Richard. Mabuti na lamang at hindi na siya naabutan pa ni Leandro Jose. Marahil ay nasa dulo ang opisina niya kaya hindi na siya nito hinabol.
"Good morning, Boss De Luca," bati ng sekretarya niya sa kanya.
Huminto sa paglalakad si Xavier at kinausap ito. "Good morning. I am expecting Miss Nicole and Miss Magallanes in my office today. Once they arrive, papasukin mo na sila kaagad na dalawa. 'Wag ka nang mag-abalang tumawag pa," saad niya dito.
Tumango si Richard sa kanya. "I'll take note of that Sir," ani naman nito sa kanya.
Matapos nilang mag-usap ay pumasok na si Xavier sa opisina niya. Naupo siya sa swivel chair at inabot ang intercom nang may makalimutan siyang iutos kay Richard.
"Yes Sir?" anito nang sagu
