Nang matapos magsalita si Edward ay lalakad na sana si Troy patungo sa silid nito nang marinig muli nito ang boses ng kuya niya.
"Saan ka pupunta?"
"Kuya, matutulog na ako."
"Saan mo pala patutulugin ang mga bisita natin?"
Kaya napa kunot ang noo ni Troy at sinabing, "Kuya, ako pa talaga mag-aadjust."
"Malamang Troy. Ikaw ang walang ka partner dito at dapat maging gentle man ka, baka naman gusto mong magtabi kayong matulog ni Andrea?" makahulugang saad pa ni Edward.
Magsasalita pa sana si Troy ngunit tinikom na lamang nito ang kaniyang bibig at sinabi sa sarili, "Pati ba naman sa pagtutulugan ko, ako pa talaga makikisama."
"Don't worry, Troy. Ngayong gabi lang naman at bukas ihahatid mo na sila Andrea sa bago nilang tirahan."
"Ayos." Wika ng binata na nakahinga ng maluwag.
"
