“KINAKABAHAN ka?”
Tinanguan ni Khloe si Gregorio na abala sa pagkukulot sa kanyang buhok. Tapos na nitong lagyan ng makeup ang kanyang mukha. Halos hindi niya makilala ang sarili. Napakaganda niya. Bumagay sa kanya nang husto ang damit.
“Kinakabahan na excited. Ganito siguro talaga ang pakiramdam ng pupunta sa prom.” Hindi pa rin makapaniwala hanggang ngayon si Khloe na pagkalipas ng labindalawang taon ay makaka-attend siya sa wakas sa prom night. Hindi naman iyon big deal sa kanya ngunit tila big deal kay Zantiago kaya pinagbigyan na rin niya. Hindi rin niya makakailang nae-excite siya sa mga magaganap.
Nakita niya ang pagngiti ni Gregorio sa salamin. “Gusto kang pasayahin ng kapatid ko.”
“Pinasasaya niya ako. Mula nang dumating siya, naging sobrang saya ko na.” Maraming pagkakataong
