Halos hindi maalala ni Dorothea kung paano siya nakatakas kina Kirsten at Melissa. Hindi siya inaasar ng mga ito pero hiyang-hiya siya, nawala yata ang lahat ng kakapalan niya sa mukha.
Wala sa sarili na hinawakan niya ang labi niya. Tahimik siyang napatili habang mahigpit na niyayakap ang kanyang unan.
Kanina ay hinatid siya pauwi ni Amsel kahit malapit lang ang bahay nila, nang makita sila ng mga magulang niya at ni Gray ay parang hindi na nagulat ang mga ito.
Nakangiti siyang huminga ng malalim. Ngayon lang siya nakaramdam ng ganito, unang beses simula nang mabuhay siya, naramdaman niya na hindi naman pala siya gano’n kapangit.
Ang isa lang na kinababahala niya ngayon, natatakot siyang baka pagkagising niya ay nasa htrae niya na ulit siya. Bukod kay Amsel ay isa ‘yon sa dahilan kung
