Napansin ko na lumayo sa amin ang mga tagasilbi na kasama namin. Pumunta sila sa lugar na hindi mainit. Sa parte na puro mga puno. Nasa gilid kami ng ilog at nakaupo sa malaking tela. May mga pagkain sa aming tabihan. Masasarap ang mga ito ngunit hindi naman ako matakam. Hindi rin naman ako gutom.
Napatingin ako kay Prinsipe Aleric noong bigla kong naramdaman ang kaniyang pagkulbit.
Walang reaksyon na napatingin ako sa kaniya. Pansin ko ang pagngiti niya ngunit hindi ko naman siya nginitian pabalik.
"Nais mo bang maglangoy?" tanong niya sa akin.
Marahan na umiling ako sa kaniya. "Paumanhin, Prinsipe Aleric. Hindi ko po nais na maligo sa ilog ngayon," sagot ko sa kaniya sa mababang tinig.
"Nais mo bang kumain na?" sunod na tanong niya sa akin.
Muli akong umiling nang mabagal. "Patawad
