Kabanata 66
Humahangos na lumapit siya sa amin. Hinabol niya muna ang kaniyang hininga bago siya nagsalita. "Binibining Azalea, ilang buwan ka nang hinihintay ni Prinsipe Aleric. Hindi niya nagustuhan ang pag-alis mo ng walang paalam. Mabuti na lang at nakauwi ka na. Magsisimula na sana si Prinsipe Aleric na ipahanap ka," pagbibigay alam niya sa akin.
Malalim akong napabuntong hininga. Nagpadala naman ako ng sulat sa kaniya bilang pagpapaalam. Noong nasa isang nayon kami papunta sa Azea ay dumaan ako sa tanggapan ng koreo (post office) upang magpadala ng sulat sa adress ng bahay panuluyan na tinutuluyan ni Prinsipe Aleric. Umisip ako ng kapanipaniwala na dahilan ng aking pag-alis. Sinabi ko rin na matatagalan ang aking pagbalik.
“Ngunit nagpadala naman ako ng sulat sa kaniya upang ipaal
