Kabanata 63
Bumaba ako sa karwahe at nakita ko agad si Prinsipe Aleric na naghihintay sa aking paglabas. Nakita ko na naman ang malawak niyang ngiti. Napahawak na lang ako nang mariin sa aking saya dahil sa pagpipigil sa inis. Hindi ko alam kung bakit biglang nagbago ang timpla ng ugali ko tuwing nakikita siya. Hindi ko nga lang ito mailabas at patago na lang ang inis ko sa kaniya.
Lumayo sa amin ang mga tagasilbi. Ang iba ay pumasok na sa loob ng magarang bahay panuluyan habang ang mga kawal naman ay umikot at nagbantay na sa paligid ng bahay panuluyan. Mas humigpit ang seguridad nila.
Lumapit ako sa kaniya at pagkatapos ay yumuko ako. Pinatunghay niya naman ako kaya nakita ko na naman ang pagngiti niya. Sinubukan kong ngumiti ngunit nauwi naman ito sa ngiwi.
“Nais mo bang samahan pa
