Kabanata 64
Tinulungan ako ni Ginoong Padraig sa pagtayo. Marahan niyang pinagpagan ang laylayan ng aking saya. Hinawakan ko siya sa braso ngunit kinuha niya ang aking kamay at mariin niya itong pinisil. Hindi naman masakit iyon, mas naramdaman ko ang pagsuyo sa kaniyang hawak.
Malakas na pagsigaw ang aking narinig kaya napalingon ako kay Emily. Nakita ko ang nanlilisik niyang tingin sa aming dalawa. Pansin ko na bumaba ang mga mata niya sa kamay naming magkahawak. Noong ibinalik niya sa aming mukha ang tingin niya ay inirapan niya kaming dalawa.
“Ginoong Padraig, hindi ka dapat nangingialam sa aming pag-aaway,” may galit sa boses na sabi ni Emily.
Marahan na binitawan ni Ginoong Padraig ang aking kamay at humarang siya sa aking unahan. Marahan na naglakad si Emily palapit sa amin. Nak
