Kabanata 65
Ilang oras kaming naglakbay ngunit noong sumapit ang madaling araw ay napagpasyahan naming tumigil. Sa kalagitnaan ng kagubatan namin napili na magpahinga. Sa lugar kung saan wala masyadong napapadpad. Nagpahinga kami sa gitna ng malawak na mga daisy. Parehas kaming nakahiga sa mga bulaklak na iyon habang nakaunan ako sa kaniyang braso at mahigpit na nakayakap sa kaniya. Pinagmasdan namin ang kalawakan. Maraming bituin at may ilang bulalakaw na dumadaan sa gilid ng mga buwan. Minsan lang mangyari ang bagay na ito ay suwerte kaming makita ito.
“Bakit patungo tayo sa Azea? Hindi ka ba natatakot na baka makita tayo ni Prinsesa Zemira?” tanong ko sa kaniya matapos naming panoorin ang mga bulalakaw.
“Nakalimutan kong sabihin sa iyo na nakaalis na siya sa Azea at nagtungo na sa Ox
