Kabanata 62
Noong nakarating ako sa unahan ng palasyo ay nakita ko na ang mga tagasilbi na nakapila sa likod ng karwahe. Naroroon na rin ang mga kawal at nakahanda na rin ang mga kariton na nilalagyan ng gamit pati na rin ang karwahe na gagamitin ni Prinsipe Aleric. Nagmamadali na naglakad ako. Pumunta ako sa likod ng mga tagasilbi at nagtago ako roon. Sana ay hindi na ako hanapin pa ni Prinsipe Aleric.
Sana ay makalimutan na niya ako. Sana ay hindi niya maalala na kasama ako sa paglalakbay papunta sa nayon ng Desife.
Napatingala ako noongg sabay sabay na bumati ang lahat kay Prinsipe Aleric. Dumating na pala siya. Patago akong tumingin sa kaniya at napansin ko na palinga linga siya sa paligid. Napayuko agad ako noong napagawi sa akin ang kaniyang tingin. Malalim na paghinga ang aking g
