Kabanata 54
Ang aking hinala ay totoo. Si Ginoong Padraig nga ang sumali sa marahas na larong iyon. Nakita ko kung paano nahulog ang panyolito na nakaharang sa kaniyang mukha. Halos hindi na ako nakakilos noong nakita kong muntik na siyang masaksak sa dibdib, mabuti na lang at mabilis siyang nakailag sa kalaban niya. Ilang beses kong hiniling na siya’y makaligtas sa laro. Nawala lang ang kaba at takot ko noong natapos ang laban.
Siya na lang ang natirang may buhay. Ang kaniyang buong katawan ay balot na balot ng dugo. Pagod at hinihingal niyang itinuon ang espada niya sa lupa at lumuhod siya sa gitna ng arena. Nais ko siyang lapitan ngunit tinawag na ako ni Prinsesa Zemira dahil aalis na kami. Hindi na ako nakaanggal pa sa kaniya at sumunod na ako. Hindi ko na nilingon pa si Ginoong Padr
