Muling sumigaw ang mga rebelde kaya napatingin ako sa kanila. Sumugod ang mga ito kaya naman nakipaglaban agad si Ginoong Padraig. Nakatitig lang ako sa kanila. Naramdaman ko ang paninigas ng aking mga paa. Hindi ako makagalaw sa aking kinatatayuan. Ramdam ko ang pagkabog ng dibdib ko. Ang kaba at pangamba na aking nararamdaman ay mas lalong nadagdagan.
Suntok sa buwan na kami ay manalo sa laban na ito. Isa laban sa labing lima? Kamatayan na ba ang sasalubong sa amin?
Pansin ko na hindi madali kay Ginoong Padraig ang kalabanin ang lahat ng rebelde. Dehado na siya dahil pinagtutulungan na siya. Nakakailag lang siya sa bawat paghampas ng mga sandata ng mga ito. Ngunit tumatama pa rin sa kaniya ang mga suntok ng kalaban. Hindi niya naiwasan ang pagsuntok sa kaniya ng isang rebelde. Mabilis
