Kabanata 51
Bagong Simula
Ang kamatayan ay mapayapa. Ang buhay ay mas mahirap. Sa kamatayan ay wala nang pagpapahirap, wala nang sakit at kapayapaan na lang ang mararamdaman. Tanggap ko na ang kamatayan ko ngunit sadyang mapaglaro ang tadhana.
Ang kamatayan na inaasahan ko ay hindi nangyari, lubos na gulat ang aking naramdaman noong magising akong muli sa mundong pilit kong tinatakasan. Hindi pa pala tapos ang aking buhay. Marami pa akong kailangan na gawin at pagdaaanan sa mundong sobrang malupit sa akin.
"Handa ka na ba?" rinig kong tanong sa akin ni Prinsesa Zemira. Tumango ako sa kaniya at pagkatapos ay marahan kong inayos ang pagkakapatong ng korona sa kaniyang ulo.
"Lagi po akong handa sa anumang maaring mangyari," magalang kong sagot sa kaniya.
Ilang minuto siyang naging tahim
