Noong natapos ako sa pag-aayos sa aking sarili ay napagpasyahan ko muna na lumabas upang magpahangin. Kahit na may tela na nakaharang sa aking mukha ay kitang kita ko pa rin ang tatlong buwan na nasa kalawakan. Naglakad ako sa paligid ng bahay panuluyan habang dinadama ang malamig na hangin na dala ng amihan. Marami namang mga kawal sa paligid kaya hindi ako natatakot kung may lumusob man sa akin upang saktan ako.
Nakita ko ang isang malaking puno ng mansanas. Naglakad ako papunta roon at agad kong itinaas ang aking kamay upang pumitas ng bunga na mansanas. Ang pagkapula nito ay tamang tama lang sa pagkahinog na gusto ko. Pinunasan ko ito upang maalis ang dumi at alikabok nito. Marahan na hinawi ko ang tela na nakaharang sa aking mukha upang ipasok sa loob ang mansanas. Muli kong inay
