Kabanata 58
Hindi pa man ako nakakapasok sa aking silid ay pinatawag na agad ako ni Prinsesa Zemira. Tahimik lang si Dramon na naglalakad sa aking unahan. Hindi na ako nagdalawang isip na itanong sa kaniya kung bakit ako pinatawag ni Prinsesa Zemira, “Anong nais niya sa akin?”
Hindi siya tumigil sa paglalakad, at hindi niya rin ako nilingon ngunit sinagot naman niya ang tanong ko, “May sasabihin siya sa iyo,”
“May ideya ka ba sa kaniyang sasabihin?” mahina kong tanong sa kaniya.
Nakakapagtaka dahil ito ang unang pagkakataon na tinawag niya ako sa ganitong oras. Ang lahat ay nagpapahinga na dahil kalagitnaan na ng gabi. Sa pagkakaalam ko, sa ganitong oras ay tulog na si Prinsesa Zemira.
“Wala akong ideya sa kaniyang nais sabihin sa iyo,” tanging sagot niya sa akin. Hindi na ako nagtano
