Kabanata 56
Napabalik ako sa realidad noong nabitawan ko ang hawak kong espada. Lumikha ito ng malakas na ingay ngunit noong lumingon ako sa pwesto ni Haring Zemora ay nakita ko pa rin siyang nakabulagta sa sahig. Wala na siyang malay ngunit ang malakas na aura ng kapangyarihan niya ay nakapaligid pa rin sa kaniya.
Yumuko ako upang kunin sana ang espada ngunit narinig ko yapak ng isang bampira. Marahan itong naglalakad sa hagdanan. Mabilis na lumabas ako sa silid habang dala ang kahon na may lamang gamot. Hindi ko maaaring iwan ang dala ko, baka ako’y mapagbintangan pa kung may mangyari mang masama sa Hari dahil malalaman nila na ako’y pumunta rito sa ilalim ng utos ni Prinsesa Zemira.
Nakaliko na ako sa isang pasilyo noong narinig ko ang pagbukas ng pinto ng silid ng Hari. May pag-iing
