"Ano sa tingin mo? Anong mas maganda? Ito o, itong isa?" Pinapapili ni Carly si Zandro ng kanyang wedding gown na susuotin.
"Ito na lang, mas maganda for me. Simple, pero elegant kung tingnan. Pero, ikaw pa rin naman ang masusunod eh, kung anong gusto mong suotin e di iyon na lang," tugon ni Zandro.
"Ok, ito na lang napili niya." Ngumiti si Carly sa designer nila.
Matapos ang tatlong linggo, nagplano sila na magpakasal na. Gusto ni Zandro, na makasal na sila ng maagap. Ang plano nilang magpapatayo muna ng bahay, ay hindi muna ito matutupad dahil mas uunahin muna nila ang kasal bago bahay. Medyo nabigla nga si Carly, pero tulad ng gusto ni Zandro, na magpakasal na sila agad upang mapatunayan ni Zandro na mahal na mahal na talaga siya nito at siya ang gustong makasama habang buhay.
P
