“Bili ka ng pregnancy test,” utos ko sa kaniya nang masabi kong delay ako.
Hindi pa niya yata napoproseso ang lahat dahil nakatingin lang siya sa akin na gulat na gulat ang kaniyang ekspresiyon. Ang kaniyang mga mata ay nanlaki habang nakanganga pa ang kaniyang bibig dahil sa aking sinabi. Kahit ako rin naman, nagulat sa nangyari. Sobrang naging maingat kami pero iyong sperm niya, masiyadong magaling. Nakalusot pa!
Ilang minuto siyang tulala sa akin at ilang beses niya ring ibinuka ang kaniyang bibig na para bang may sasabihin o tatanungin pero agad niya iyong ititikom dahil para siyang nawalan ng boses.
Hanggang sa tuluyan na niyang naintindihan ang lahat, naging seryoso ang kaniyang mukha at hinawakan ang aking nanginginig na kamay. Alam kong iniisip niyang hindi pa ako handa dahil gu
