FARRAH
Ang pagmamahal na namamayani sa aking puso para rito ay napalitan ng galit at poot. Hindi ko lubos maisip na kaya nito akong paglaruan. Na kaya nitong paikutin sa mga palad nito ang mga taong nakapaligid dito.
Ang kinalimutan at itinapon kong galit dito ay muli na namang umusbong. Kinasusuklaman kong muli ang lalaking ito.
Hindi ito natinag sa ginawa kong pagsampal. Nanatili itong nakatayo sa harap ko at pilit na iniinda at tinatanggap ang sunod-sunod na pagbayo ko sa dibdib nito at paulit-ulit na pagsampal sa magkabilang pisngi nito.
Hindi na ako nakaramdam ng awa para rito kahit pa nakikita ko na pulang-pula na ang pisngi nito sa ginawa kong paulit-ulit na sampal. Gusto ko ilabas ang lahat ng galit ko sa lalaking ito.
"Bakit mo ginawa sa 'kin 'to Zick?! Pinagkatiwalaan ki
