ININOM naman ni Chesca ang mga gamot na binigay sa kanya ng doktor ngunit hindi pa rin maalis ang sakit at kirot na nararamdaman niya.
Halos sumigaw na siya dahil hanggang ngayong gabi ay ramdam na ramdam niya ang pagpisil ng babae sa balikat niya.
Gumaling lang talaga ako, bubudburan ko talaga ng hot sauce iyong letcheng kape na pinapatimpla niya sa akin!
Gusto niyang bumaba upang magluto ng kahit man lang cream of mushroom ngunit hindi talaga kaya ng katawan niya.
Ang sugat niyang ginamot kanina ni Brandon ay nagdudugo na naman dahil nasanggi sa pagpapalit niya ng damit.
Wala ring paramdam si Asher. Mukhang sumama talaga ang loob sa kanya ng lalaki.
Wala akong pakialam kung sumama ang loob niya sa akin o magalit siya. Wala akong ginawang masama sa impaktitang iyon para makara
