TAGAKTAK ang pawis ni Gibson habang pinagpapatuloy ang salaysay niya habang si Brandon naman ay tumataas ang balahibo sa mga pinagsasasabi niya.
Pakiramdam niya, hindi na siya tatagal sa pagiging sunud-sunuran kay Mariz. Kailangan niya lang talaga ng mga taong tutulong sa kanya para maging safe ang lola niya at bahala na siya sa kanyang sarili pagkatapos.
Naaawa na rin siya kay Shaiana kaya balak niya itong itakas kasabay ng pag-alis niya sa grupo.
"A-anong nangyari pagkatapos?" tanong sa kanya ni Brandon.
"Diniinan niya iyong pagkakasakal sa leeg ni Diane hanggang sa manlupagpay iyong kapatid mo..."
Hindi alam ni Asher kung ano ang magiging reaksyon sa sinabi ng lalaki. Gustong-gusto niya nang puntahan ang mga ito roon upang makisali sa usapan dahil napakaraming tanong ang nasa
