INIWAN muna nina Aling Susan at Mang Ricky sina Asher at Chesca upang makapag-usap din silang dalawa.
Pinakiramdaman muna ni Chesca dahil kanina pa ito walang imik at para bang napakalalim nang iniisip.
Naiintindihan niya kung bakit ganoon na lang ang naging reaksyon ng lalaki sa sabay nilang nalaman.
Siguro'y hindi lang ito makapaniwala na ang first love nito at ang babaeng nagugustuhan ngayon ay magkapatid pala.
Napabuga nang hangin si Asher. Naguguluhan siya sa mga nangyayari. Naalala niya ang pangungulit sa kanya noon ni Brandon sa estado ng kaso ni Diane.
Napahilamos ito at naidaop ang mga kamay habang inaalala ang mga nangyari pagkatapos mamatay ni Diane. Bigla siyang napahinto.
Kaya pala ganoon na lamang ito naging interesado na mahuli kung sino ang pumatay sa dalaga nang
