May mga sandaling akala mo tama ang ginagawa mo dahil galing ito sa pagmamahal pero hindi mo namamalayan, nasasaktan mo na pala ang taong gusto mong iligtas.
At sa pagkakataong ito,
ako ang nagkamali.
Nagising ako sa tunog ng keyboard. Mabilis ang pagtipa.Halatang may hinahabol.
Nasa sala si Sayven, nakatuon ang mata sa laptop, halos hindi humihinga.
Hindi ko siya ginising.Hindi ko rin siya tinanong.
Pero sa loob ko, may umuusbong na kaba. Hanggang kailan niya kayang tumakbo nang ganito?
Habang nagtitimpla ako ng kape, narinig ko siyang magsalita, parang kausap ang sarili.
“Kung babaan ko pa ang presyo… baka pumayag sila.”
Napahinto ang kamay ko.
Bago siya umalis, hinarap niya ako.
“May meeting ulit ako,” sabi niya. “Referral ng kaibigan.”
Ngumiti ako.
“Good luck,” sagot ko. P
