“Shuta ka, bakla! Akala ko may lechon, ako pala ang lelechonin niyo!” reklamo ni Quinn. Tama lang palang nagsuot ako ng earbuds bago sabihin sa kanya ang plano ko dahil nakasigaw siya.
Kagabi pa kami nakabalik ni MJ sa Maynila. Pinatulog ko siya ulit sa condo ko dahil wala naman siyang ibang mapupuntahan. Pero pagsikat na pagsikat ng araw kinabukasan ay pinapunta ko na si Quinn. Napapunta ko siya nang sabihin kong binilhan namin siya ng lechon at iba pang mga pasalubong.
Kaya naman nandito kaming tatlo sa condo ko ngayon. Napasulyap ako kay MJ na katabi ko sa couch. Nakita kong nakahalukipkip siya at nakanguso. Halatang hanggang ngayon ay ‘di sang-ayon sa gusto kong mangyari. Hindi ko nga lang maintindihan kung bakit.
Paano’y payag na nga akong gawin ang kanyang suhestyon. May isang b
