Namutla si MJ nang malaman niyang nasa labas ng unit ko ang mga kaibigan namin. Katulad ko’y halatang ‘di rin niya inasahan ang pagpunta ng mga ito.
Kapag naiisipan kasi nilang magpunta rito noon ay palagi akong tumatanggi. Hindi naman kasi kalakihan ang condo unit ko kumpara sa mga mansyong tinitirhan nila kaya alam kong masisikipan lang sila rito.
Bukod dito, tinuturing kong safe zone ang unit ko. Kaya hangga’t maaari ay ayaw ko talagang tumatanggap ng bisita. Maswerte nga si MJ at ilang beses ko na siyang pinatulog dito.
Nagkatinginan kami ni MJ at ilang segundong natulala.
Bukod kay Quinn, ang alam ng mga kaibigan namin ay ‘di pa ulit kami nagkikita ni MJ. Ano na lang ang iisipin nila kapag nakita nilang magkasama kaming dalawa ngayong gabi? At dito pa talaga sa loob ng condo uni
