Timmy's Point of View.
"I'm here at your apartment. Love you."
Pasekreto akong napangiti nang matanggap ko ang mensahe ni Klein. Katatapos lang ng klase namin ngayong araw at kasalukuyan na akong naglalakad palabas ng university. Kakaunti na lamang ang mga estudyante sa paligid dahil lagpas na rin ng alas-siyete ng gabi.
"Katatapos lang ng klase namin. Pauwi na rin ako. Love you too." saglit muna akong huminto sa paglalakad upang mag-reply kay Klein. With heart emoji pa para mas lalo niyang madama ang pagmamahal ko para sa kanya.
Mas lalo pang lumapad ang ngiti ko nang agad akong nakatangga ng reply sa kanya.
"I'll wait for you." basa ko muli sa bago niyang mensahe. Akala ko ay 'yon na 'yon nang magpahabol din siya ng tatlong 'heart emoji'. Mas lalong lumapad ang ngiti ko at gusto k
