Patrick's Point of View.
Marahan ko tinanggal ang pagkakapatong ng ulo niya sa balikat ko at inayos ito sa pagkakahiga. Mahimbing na siya ngayong natutulog matapos ang mahaba niyang pag-iyak. Gaya pa din ng dati, nagmamakaawa siyang balikan ko na siya pero gaya din ng lagi kong tugon sa kanya--- ayoko na. Hanggang sa makatulog na lamang siya na nakayakap sa akin at nakapasubsob sa balikat ko.
Tumayo ako at maingat na binuksan ang drawer malapit sa kanyang kama. Agad kong nakita ang isang maliit na pulang kahon mula doon. Inabot ko ito at dahan-dahang binuksan. Matagal na din mula nang ibalik ko ito sa kanya pero ito pa din, maingat na nakatago dito. Napangiti na lamang ako habang tinititigan ito at inaalala ang mga panahong masaya pa kaming dalawa. Yung panahon na tanging matatamis na ng
