NAGMULAT ako ng mata at nakita ko kaagad ang kulay puting kisame. Napakunot-noo ako. Puting kisame? Kailan pa naging puti ang kisame ng kwarto ko? Peach iyon ah.
Napaupo ako sa aking kama at nagulat ako nang makita kong hindi sa akin itong kumot na gamit ko.
Napatingin din ako sa aking damit. Isang polo na panglalaki! Napapikit ako at pilit na inaalala ang nangyari kagabi. Ano nga bang nangyari?
Ang natatandaan ko kinaladlakad ako ni Jared palabas ng mini restaurant ni Papa tsaka nagkasagutan kami tapos..
Napahawak ako sa aking labi. Panaginip lang ba ang halik na iyon? O, talagang hinalikan niya ako? Bakit niya naman ginawa iyon? Napapikit ako nang biglang sumakit ang ulo ko at para bang minamartilyo ito. Mabilis akong lumundag sa kama dahil para bang masusuka ako anumang segundo.
M
