“BAKIT ganito ang nangyari sa Libis?” namamanghang tanong ni Fatima Mae kay Alejo.
Araw ng Sabado. Napagkasunduan nilang pasyalan ang Sierra Carmela Academy. Kakilala ni Alejo ang guwardiya kaya pinayagan silang makapasok sa loob. Tamang-tama at walang klase, malaya silang makakapasyal sa school na naging malaking bahagi ng kanilang buhay.
Para sa mga taga-Sierra Carmela, hindi lang basta eskuwelahan ang Sierra Carmela Academy, isa rin iyong munting paraiso. It was like a piece of heaven. Bago ang mga school building ay may mahabang tulay. Malapad ang tulay na bukod sa mga sasakyang makakadaan ay mayroon pang bangketa para sa mga pedestrian. Sa ibaba ay matatanaw ang malinis na ilog.
Noong panahon nila, tuwang-tuwa si Fatima Mae kapag tag-ulan dahil nagsusulputan ang mga water lilies at
