“KAUNTI lang ang asukal ng sa akin,” sabi ni Fatima Mae nang makitang nagtitimpla na ng kape si Alejo.
“Takot kang magka-diabetes?” biro ni Alejo.
“No. Mahilig nga ako sa matatamis. Iyon nga lang, pagdating sa kape, mas gusto ko 'yong kaunti lang ang asukal,” sagot niya at nagpasalamat nang iabot na nito ang kape.
“Anong oras mo balak magpahinga?” tanong nito.
“Bakit?”
Nagkibit-balikat si Alejo. “Nothing. Naisip ko lang, pagod ka sa biyahe. Baka gusto mong magpahinga agad at nahihiya ka lang na magsabi sa akin. Ito ang tambayan ko kapag gabi. Usually, inaabot ako rito nang alas-dos ng madaling-araw.”
“Bakit ka nagpapakapuyat?”
“Kung alam mo lang, Ting.” Bumuntong-hininga si Alejo.
Pagkatapos ng ilang lagok ay ibinaba ni Fatima Mae ang kape. “You still miss her,” malumanay na sabi n
