“SAAN ka pupunta?” tanong ni Lamberto kay Alicia. Nakapantulog na ito ngunit bumaba pa sa kama.
“Ipagtitimpla ko ng gatas ang anak ko. Noong araw, hindi ko siya pinapatulog hangga’t hindi umiinom ng gatas.”
Bumangon din siya. “Ako na lang, Alicia. Patay na ang ilaw sa labas. Baka kung mapaano ka pa sa dilim.”
“Lamberto, kabisado ko itong bahay. Kahit papikitin mo pa ako, kaya kong pumunta sa kusina na walang nababanggang gamit.”
“Hayaan mo nang ako ang gumawa. Para naman mapalapit na rin ako sa anak mo. Mukhang malayo ang loob sa akin, eh.”
Tiningnan siya ni Alicia. “May punto ka. Sige. Maligamgam ang gawin mo, ha? Saka huwag mong masyadong tamisan.”
“Kagaya din pala ng timpla mo,” tango niya. “Ipagtitimpla na r
