“ISTOKWA!” gulat na sabi ng isang lalaki na halos ikatalon din siya sa gulat. Ito ang tinatawag na Rod. “Nalusutan mo ako!”
Sa takot ay nagtatakbo si Mariolle. Bumalik siya sa kuwartong pinagkukublihan niya kanina. At gulat na gulat din ang matandang lalaki na dinatnan niyang namamahinga roon.
“Sino iyan, Rod?”
“Istokwa. Nalusutan ako.”
“Maawa po kayo!” piyok niya.
“Gil, malamang magalit si Bosing. Paano iyan?”
Pakiramdam niya ay pinitpit siyang luya sa kinatatayuan. Buhat sa sumbrerong hinila niya pababa upang matakpan ang mukha niya ay tiningnan niya ang dalawang lalaki. Hindi niya alam kung dapat na mabawasan ang kanyang kaba sa anyo ng matanda na mukha namang mabait.
“Sige, Rod, ako na ang kakau
