HINDI malaman ni William kung tatawa nang malakas o iiling na lang. Tapos na ang pagkagulat niya. And he was congratulating himself for remaining poker face sa kabila nang malaking gulat niya nang makilala ang kanyang kaharap.
So the Mario boy was not a boy. She was definitely girl. The lovely lady he met at the mall.
Nang mag-alis pa lang ito ng sombrero ay may napansin na siya. Kinutuban na siya na hindi basta pamilyar lang ang kaharap. At ang totoo ay nagpipigil lang siya ng galit sapagkat natanto na niyang hindi ito lalaki.
Pero mabuti na lang at hindi humulagpos ang galit niyang iyon. He became stunned for the next moment. Habang pinipilit niyang humarap ito sa kanya nang matino ay unti-unti naman niyang naalala kung saan nakita ang mukhang iyon.
