Talaga? Sinabi iyon ni Brent? Na ayaw na niya akong makita at kausapin?
Umalpas ang pagak kong pagtawa. Hindi ako naniniwala. Hindi ganoon si Brent. Hindi niya kayang hindi ako kausapin. Kapag tahimik ako, nagtatanong kaagad siya kung anong problema. O kung may gusto ba akong kainin at kaagad niya iyong bibilhan para sa akin.
Gustung-gusto niya akong kausap. Hindi siya nawawalan ng pwedeng itanong sa akin. Kailan man ay hindi siya naboring habang magkausap kami. Palagi pa nga siyang tumatawa tuwing kausap ako.
Lalong-lalo ang hindi niya ako makita. Magkagalit man kami o hindi, gusto niya palaging nasa tabi niya ako. Minsan, kapag hindi niya natitiis ay pinupuntahan niya ako sa bahay. Ayaw na ayaw niya akong mawala sa paningin niya.
Kaya hindi ako naniniwalang sinabi iyon ni Brent. Gust
