Maigi kong pinagmasdan ang mukha ni Madam Stella. Pilit kong hinahanap sa mga mata niya kung tama bang nagbibiro lamang siya. Ngunit sa itsura niyang pursigido sa kagustuhan ay nabigo ako.
Akala ko ay sa mga teleserye lang ito nangyayari. Hindi ko lubos maisip na pwede rin palang mangyari sa akin, na nangyayari pala sa totoong buhay. At normal na lang ito sa mga mayayaman.
Malakas na bumuntonghininga si Madam Stella, tila ipinapakita sa akin na nahihirapan siya ngunit alam kong buo naman talaga ang loob niya.
Gusto kong magsalita, pero masyado akong nabibingi sa kung paano nagwawala ang puso ko ngayon. Gusto kong tumutol ngunit nawalan ako ng lakas. Ang dami kong tanong ngunit ni isa ay hindi ko magawang maisatinig.
"Kailan lang naman kayo nagkakilala ng anak ko. Siguro naman ay hindi
