"Brent, ibaba mo na ako!"
Kahit anong sigaw ko rito ay parang wala siyang pakialam. Nakalayo na kami mula sa bahay nina Tanya at habang tumatagal kaming nasa gitna ng kalsada ay lumalakas ang ulan.
Nababasa na ako, wala pa akong helmet kaya ikinatatakot kong baka sumemplang kaming dalawa ni Brent. Bumibilis din ang pagpapatakbo niya, tila may hinahabol. Tuloy ay hindi rin niya ako naririnig.
Hindi ko siya magawang yakapin para roon kumuha ng pagkakapitan, bagkus ay nakahawak lang ako sa magkabilaang gilid ng motor mula sa likod. May distansya rin sa gitna namin dahil nga basa siya.
"Brent!" pukaw ko rito, pero napaos na lang ako ay ayaw niyang tumigil.
Nasa Centro na kami kung saan kami namimili at namamalengke. Sobrang layo na nito kaya nga once a week din kung dumayo kami rito. Maya
