HINDI NA NAGTAKA si Stella nang makita niya si Belinda sa mga Villareal samantalang ito ay parang tinuka ng ahas nang makita siya. Mukhang hindi nito inaasahan na sa tagal ng panahon ay magtatagpo ang kanilang mga landas. Hindi nito alam kung titingnan ba siya o kung anuman. Kasama niya si Patricia at Markus samatalang si Mark ay susunod na lamang sa kanila.
Ipinakilala siya ni Markus sa magkapatid na Villareal at maging kay Carol at Apollo. Alam niyang kilala siya ni Apollo dahil alam nito ang relasyon nila ni Raul nang araw. Nagulat pa ito nang makita siya.
“Ikaw ba talaga ‘yan Stella?” tanong sa kanya ni Apollo kaya ngumiti siya at tumango. Niyakap siya nito. “All this years ikaw pala ang ina ni Markus Herrera. Bakit ba hindi ko alam yun?” tanong pa ni Apollo sa kanya.
“Hi Belinda,”
