“Sinasabi mo na binigyan ka ng rekomendasyon ni Arne?” Hinihimas ni Qhyzlos ang kanyang baba habang binabasa ang sulat ng rekomendasyon na ibinigay ni Meisha rito, saka sandaling tiningnan siya ng matiim bago inilipat ang paningin kay Barrette. Nagkasalubong ang kilay nito.
“Sino naman `to?” May pagdududa sa mga mata nito na tinitigan nito si Barrette. Kahit ang mga mata ni Araceli ay may bahid na pagkalito ng bumaling ito kay Barrette.
Naintindihan niya ang mga reaksyon ng mga ito sapagkat ang taong nakikita nila ngayon ay puro itim na tila ba isa itong anino. Ganito kasi iyon, bago pa bumaba ang mga ito ay biglang nakiusap si Barrette sa kanya na gamitan daw siya nito ng salamangka na hindi makilala ng mga tao kagaya ng dati ng ginawa niya noon sa kanila.
Kahit na nagtataka man siy
