VALEEN
"KAIN KA PA, LO." Udyok ko sa aking abuelo. Ilang araw din ako sa probinsya at gusto ko namang bumawi sa kaniya.
Natuwa ako ng tanggapin niya nang tanggapin ang isinusubo ko sa kaniyang pagkain. "Very good naman ang lolo ko. Madali kayong lalakas kapag palagi kayong maraming kumain."
Nalaman ko kasi kay Mommy na ilang araw itong walang ganang kumain. Kaya ngayon, ako ang nagpresintang mag-alaga sa kaniya. Wala naman akong lakad ngayong araw.
"Hindi matutuwa si Ate Ella kapag nalaman na nagpapabaya kayo sa pagkain n'yo." Pagkausap ko rito. As usual, wala siyang imik. Nakatingin lang siya sa akin.
Habang pinapakain ko siya, naisip kong magkuwento sa kaniya ng tungkol kay Ate Ella. Kung gaano ito kagaling sa pag-pose. Ipinakita ko rin ang mga larawan ni Ate Ella. Mukhang tama
