"KUMALMA KA NGA, Maxine. Ako ang kinakabahan sa ginagawa mo, eh," sabi ni Jona na marahil ay naubos na ang pasensya sa palakad-lakad niya. "Hindi 'yan makakabuti para sa baby mo. Baka pati siya ay ma-stress." nag-aalalang paalala ni Jona sa kaniya.
Ilang araw matapos silang maging opisyal na mag-nobyo ay pinilit siya ni Jamil na bumalik na sa Hotel hindi bilang isang chambermaid kung hindi isa nang Manager na tinanggihan naman niya. Agad rin niyang tinawagan ang kaibigan at histerikal na sinabi rito ang problema niya. Teka hindi, hindi isang problema kung hindi isang biyaya.
"P-paano kung hindi pa siya handang maging Tatay? Paano kung… ayawan niya ako at hiwalayan?" nagpatuloy siya sa paglalakad sa sala ng bahay nila. "Kung kailan nagkaayos kami."
Nang mganakakaraang araw kasi ay hindi
