Napatigil siya sa paglalakad at nanigas sa kinatatayuan. Ayaw man niya ay lumundag ang puso niya sa pamilyar na boses na iyon. Boses na ayaw at gusto niyang marinig.
"Akala mo ba ay hindi kita mahahanap?" pagpapatuloy nito at narinig niya ang mga yapak nito bago ito tumigil sa harapan niya.
Bakit naman hindi gayung makapangyarihan kayo at nakukuha ninyo lahat ng gusto niyo? Hindi nga naman imposibleng malaman nito kung nasaan siya. Pero bakit kailangan nito iyong paabutin ng dalawang buwan?
Nanatiling nakatingin nang diretso si Maxine at ang dibdib lang nito ang leeg lang nito ang nakikita. Nang mahanap ang lakas ng loob ay unti-unti niyang iniangat ang mga mata patingin sa mukha nito at parang pinisil ang puso niya nang makita ang pagbabago sa hitsura nito. Bahagyang nabawasan ang timb
