Alessia
Kinabukasan ay nag-inat-inat ako ng aking mga kamay saka ako bumangon ng aking kama. Agad akong dumiretso sa banyo at naligo bago ako nagpalit ng aking damit para pumunta sa resto. Nang handa na ako ay hinanap ko si Vincent at nakita kong wala siya rito kaya naman naisip ko na baka nauna na siya sa baba.
Isinawalang bahala ko na lamang ito at dumiretso na ako sa resto ng hotel. Pagdating ko roon ay agad na hinanap ng aking mga mata si Vincent habang kumukuha ako ng mga pagkain. Pagkakuha ko ng mga pagkain ay napakunot ang aking noo dahil hindi ko siya makita kung saan.
Kumain tuloy ako ng mag-isa ng almusal at iniisip na baka may pinuntahan lamang iyon saglit at baka dadating lang din siya mamaya. Nang matapos akong kumain ay muli akong bumalik sa aming kwarto pero wala
