CHAZZY
Hindi pa niya kinukwento ang buong detalye ng nangyari sa kanya, ay wala nang humpay ang pag-agos ng luha ko. Gusto ko humingi ng tawad dahil hindi ko kaagad pinakinggan ang paliwanag niya, pero hindi ko ito magawa dahil nangingibabaw ang hikbi ko.
Nakakulong na ako ngayon sa mga bisig niya na matagal kong pinanabikan. Sa ngayon, kailangan ko muna pahupain ang emosyon ko.
“I can explain it to you while you cry, baby. Gusto kong linawin sa ‘yo ang lahat para wala nang gumugulo sa isipan mo. Para mabawasan na ang bigat na dinadala mo sa dibdib mo,” sabi niya habang marahang hinahagod ang likod ko.
“Y-yes, please,” humihikbi na sagot ko.
Bumuntong-hininga siya at bahagyang hinigpitan ang yakap sa akin. “Come here.” Inalalayan niya akong umupo sa kandungan niya. Kaagad ko naman
