CHAZZY
Six years later…
Halos matunaw ang bouquet ng bulaklak sa office table ko dahil kanina ko pa ito tinititigan. At kanina ko pa kinokontrol ang sarili na ‘wag itong hawakan at amuyin. Hindi ko na mabilang kung pang-ilang bulaklak na itong binigay niya sa akin sa loob ng anim na taon.
Kung dati, araw-araw na lang ako may tinatapon na bouquet sa basurahan at minsan ay pinamimigay ko na lang dahil nanghihinayang din ako sa pagkakaayos ng bulaklak, simula ng lumambot muli ang puso ko dahil sa mga effort niya, hindi ko na tinatapon ang mga bigay niya.
Anim na taon simula ng ipinasya kong tapusin ang lahat sa amin, pero heto siya, parang hindi pa rin ako sinusukuan.
Tumunog ang intercom sa office table ko, kaya sinagot ko ito. “Ma'am Chazzy, remind ko lang po kayo sa lunch meeting n'
