CHAZZY
Pagkatapos ng libing, bumalik na sina Daddy, Kuya Clarkson, at Thea sa Manila. Naiwan si Mommy para samahan ako at manatili muna dito habang hinihintay ang pagdating ng 40 days ni Tatum. Pero baka manatili pa ako dito ng ilang buwan bago bumalik. Gusto ko, pagbalik ko ay fully healed na ako.
Nang dumating ang 40 days ni Tatum, nagpaalam na si Mommy sa akin na babalik na ito sa Manila.
“Sigurado ka ba anak na dito ka muna?” Mom asked.
“Yes, Mom. Tutulungan ko muna si Yaya Myrna dito. Pagbalik ko sa Manila, magsisimula akong muli,” sagot ko habang tinutulungan siyang mag-impake.
Hinawakan ni Mommy ang kamay ko, kaya napahinto ako sa aking ginagawa.
“Salamat, anak, dahil nakinig ka sa amin. Basta lagi mong tatandaan, nandito lang kami para sa iyo, okay? Huwag mong solohin a
