FORREST
Kanina pa ako paikot-ikot dito sa loob ng bahay ngunit hindi ko mahanap si Luna. Tanghali na kasi ako nagising dahil tinapos ko pa kagabi ang mga trabaho na hindi ko natapos kahapon nang pauwiin ko si Celeste. Ayokong pay pagmulan kami ng hindi pagkakaunawaan. Ngayon pa na binigay niya na sa akin ang puso niya. Pinaghirapan ko itong makuha kaya dapat lang na bigyan ko siya ng peace of mind nang sa ganun ay hindi siya mawala sa akin.
“Nakita mo ba si Luna?” Tanong ko sa isang kasambahay namin na si Auring.
“Ah, senyorito nasa pool area po naliligo.”
Kumunot ang noo ko sa sinabi niya.
“Pool area?”
Hindi ko na inantay ang sagot niya at nagmadali na akong lumabas sa likurang bahay. Nakita ko agad ang mga tauhan ni Daddy sa bawat sulok ng pader nang makita nila ako ay kaagad s
