LUNA
Maaga akong nagising at naghanda upang puntahan si Forrest sa kuwarto niya. Sakto namang kalalabas lang niya mula sa banyo nang pumasok ako. Humalimuyak na agad ang amoy niya sa buong kuwarto. At nakangiting siyang tumingin sa akin.
“Bakit ganyan ka makatingin?” Naniningkit ang matang tanong ko sa kanya. Parang nababasa ko na kasi ang laman ng utak niya kapag ganito siya tumingin sa akin.
Humakbang siya papalapit sa akin at kaagad niya akong niyakap.
“Alam mo ba? Hindi ako masyadong nakatulog kagabi.” Sambit niya.
“Bakit naman? Hindi ka ba komportable?”
Humiwalay siya ng yakap at pinasadahan niya ako ng tingin mula ulo hangang paa.
“Mas gusto ko ang itsura mo ngayon. Mukha ka ng misis na masarap uwian galing sa maghapong trabaho.”
Niyuko ko ang sarili, nasanay siguro siya
