Chapter 32
The One Who Holds Our Fate
Isang beses pa lang na nakakakatok si Hailey sa pintuan ng kwarto ni Tred ay mabilis na itong nagbukas. Bumungad sa kanya ang gulo-gulo ang buhok at baligtad ang pagkakasuot ng damit na si Tred. Mukhang nagmamadali ito kaya hindi na niya naayos pa ang kanyang sarili. Mabilis itong umayos ng tayo at umiwas ng tingin habang kinakamot ang kanyang batok. Hindi alam ni Hailey kung bakit siya napapangiti sa nakikita niya. Mabuti na lang at magaling siyang magpigil kundi ay baka natawa na siya.
“Ito na ang palagi mong pinapadalang pagkain,” she said coldly. Kahit na magkasama sila sa iisang bahay ay hindi pa rin palagay ang loob niya sa binatang bampira. Naiinis kasi siya sa kayabangan nito. “Wala na nga lang akong dalang gatas dahil ubos na. Mamimili pa k
