Chapter 31
Forces in Between
Naglalakad si Savannah sa hallway ng building nila sa eskwelahan. Napuno na naman ng bulong-bulungan ang paligid nang makita siya ng mga estudyante. Umikot ang kanyang mga mata dahil sa mga inaasal ng mga ito. Kung makatingin ang mga ito sa kanya ay para bang may ginawa siyang masama. Hindi naman niya balak pumunta rito ngayong araw dahil hindi pa naman tapos ang kanyang training pero pinapunta siya ng kanilang principal para raw mag-report. Ano namang ire-report niya? At isa pa, alam naman nila ang mga pinagkakaabalahan niya.
Lumiko siya sa hallway patungo sa Principal's Office pero napatigil siya sa paglalakad nang makita niya si Law na nakikipag-usap sa isang magandang babae. Kulay itim ang buhok nito na hanggang balikat. Nakasandal ang babae sa locker at
