Chapter 47
Letting Go
“Sigurado ka bang magpapakita tayo kay Law?” nag-aalalang tanong ni Karen kay Patrick. Kasalukuyan silang lulan ng kanilang sasakyan papunta sa bahay ni Law.
Napagdesisyunan ni Patrick na puntahan si Law at kausapin. Alam niyang may posibilidad na may gawing masama si Law sa kanya pero hindi pa rin niya inaalis sa kanyang isip na pwede bang magbago si Law. Alam niyang may kabutihan pa sa puso ni Law. Kung nalason man ang isipan niya dahil sa mga naalala niya tungkol sa kung sino siya, siguro naman ay may kaunti pa ring parte sa puso niya noong normal pa siya.
Tumango siya bilang sagot. “Magbabaka sakali pa rin ako, Karen,” nakangiting sabi niya sabay pisil sa kamay ng asawa. “Ibabalik natin siya kay Savannah. Sa atin. At sa lugar na kung saan talaga siya nababagay
